Kryeministri i vendit Ramush Haradinaj ka thënë se shteti i Kosovës është angazhuar me përkushtim të madh për të luftuar trafikimin ndaj qenieve  njerëzore.

Haradinaj derisa mori pjesë në konferencën e thirrur me rastin e Ditës së Bashkimit Europian kundër Trafikimit me Qenie Njerëzore, ka dhënë disa detaje rreth operacioneve policore që kanë realizuar autoritetet kosovare në luftimin e kësaj dukurie, njofton Klan Kosova.

”Kosova ka hartuar ligjin për kompenzimin e viktimave të krimit. Është krijuar grupi për kompenzimin e krimit i cili është duke funksionuar”.

”Policia e Kosovës ka zbatuar 21 plane operative, për raste kriminale për trafikim me qenie njerëzore”.

”Ju sigurojmë se të gjitha vendet e Bashkimit Europian kanë një partner të tyre, Kosovën për të luftuar krimin e organizuar”./klan kosova/